 |
| MEALS READY ഉച്ചഭക്ഷണ ദിനം |
ജി.എച്ച്.എസ്സ്.എസ്സ് ഇളംകുന്നപ്പുഴയില്‍ 28/11/11 തിങ്കളാഴ്ച ഉച്ചഭക്ഷണം വിഭവസമൃദ്ധമായ സദ്യയോടൊപ്പം പായസവും നല്‍കി ആഘോഷിച്ചു.സ്കൂളില്‍ ഒരു ചടങ്ങ് നടക്കുന്ന പ്രതീതി ആയിരുന്നു.അധ്യാപകരും സഹായികളും ഓഫീസ് സ്റ്റാഫും അമ്മമാരും ഒത്തൊരുമിച്ച് പാചകം ചെയ്തത് ഗൃഹാന്തരീക്ഷം സൃഷ്ടിച്ചു.ചോറ്,സാമ്പാര്‍ ,തോരന്‍, അച്ചാര് ,സേമിയപ്പായസം എന്നിവയായിരുന്നു വിഭവങ്ങള്‍ .ഫിലോചേച്ചിയുടെ കൈപ്പുണ്യം അനുഭവിക്കുന്നു ഈ സ്‌കൂളിലെ ഓരോ കുട്ടിയും.ഒഴിവുസമയത്ത് അധ്യാപകര്‍ വളരെ തകൃതിയായി അടുക്കള ജോലികളില്‍ ഏര്‍പ്പെടുന്നത് കാണാന്‍ നല്ല കൌതുകം ഉണ്ടായി .പായസം മതിയാവോളം കുടിച്ച കുട്ടികള്‍ ഇനി എന്നും ഇങ്ങനെ ആകുമോ എന്ന് ചോദിക്കുന്നുണ്ടായിരുന്നു.ആഗ്നസ്‌ ടീച്ചര്‍ ആദ്യന്തം ഒരു ഗൃഹനാഥയുടെ ഉത്തരവാദിത്ത്വത്തോടെ ഈ ഉച്ചഭക്ഷണ ദിനത്തെ സമൃദ്ധമാക്കുവാന്‍ പരിശ്രമിച്ചു
