Showing posts with label അനുഭവം. Show all posts
Showing posts with label അനുഭവം. Show all posts
Monday, August 17, 2020
Wednesday, March 14, 2012
കഥ പറയുമ്പോള്
ഡോ:എം.പി രവീന്ദ്രനാഥന്
ഇളംകുന്നപ്പുഴ വിദ്യാലയത്തിനെക്കുറിച്ചുള്ള എന്റെ ഓര്മ്മക്കുറിപ്പുകള് - 1946-1956
എന്റെ പഠനം ഇളംകുന്നപ്പുഴ ഗവണ്മെന്റ് സ്കൂളില് ആയിരുന്നു;ഒന്നാം ക്ലാസ്സ് മുതല് പത്താം ക്ലാസ്സ് വരെ .അന്ന് സ്കൂള് ചെറുതായിരുന്നു .ഇപ്പോള് ഉള്ള രണ്ടുനിലക്കെട്ടിടമൊന്നുമില്ല.ഞാന് പെരുമ്പിള്ളി ഭാഗത്ത് മുട്ടത്ത് വീട്ടിലായിരുന്നു താമസിച്ചിരുന്നത് .സ്കൂളില് നിന്ന് ഒരു മൈല് അകലെ .
സ്കൂളിനെക്കുറിച്ച് എനിക്ക് നല്ല ഓര്മ്മകള് മാത്രമേയുള്ളൂ.എല്ലാ ടീച്ചര്മാരും നല്ലവരും പഠിപ്പിക്കുന്നതില് ശുഷ്കാന്തിയുള്ളവരും ആയിരുന്നു.പ്രത്യേകിച്ച് കണക്കുമാസ്റ്റര് ശ്രീ .ഗോവിന്ദന് കുട്ടിമേനോന്,ഇംഗ്ലീഷ് പഠിപ്പിച്ചിരുന്ന ശ്രീധരമേനോന് മാസ്റ്റര് സയന്സ് പഠിപ്പിച്ചിരുന്ന ആന്റണി&വര്ക്കി മാസ്റ്റര്മാര് ,ഭൂമിശാസ്ത്രം പഠിപ്പിച്ചിരുന്ന ജോസഫ് ജോണ്&മത്തായി മാസ്റ്റര്മാര് പിന്നെ സരോജിനി ടീച്ചര് ,നരസിംഹ അയ്യര് മാസ്റ്റര്,നമ്പൂതിരി സാര് അങ്ങനെ പലരും ഓര്മ്മയില് തങ്ങി നില്ക്കുന്നു.
കണക്കിന് താല്പര്യമുണ്ടായിരുന്ന എന്നെ ഏഴാം ക്ലാസ്സില് നിന്ന് പത്താംക്ലാസ്സിലേക്ക് ചിലപ്പോള് വിളിച്ചുകൊണ്ടുപോകും.അവര്ക്ക് ചെയ്യാന് പറ്റാത്ത പ്രശ്നങ്ങള് എന്നെക്കൊണ്ട് ചെയ്യിക്കും.അപ്പോള് ആ കുട്ടികള് എന്നെ ദേഷ്യത്തോടെ നോക്കാറുണ്ടായിരുന്നു.ഒരു പക്ഷേ ശപിക്കുകയും ..
ഞാന് ആറാം ക്ലാസ്സില് പഠിച്ചു കൊണ്ടിരുന്നപ്പോഴാണ് എന്റെ തലയില് ക്ലാസ്സിലെ ഒരു മൂലയ്ക്ക് വച്ചിരുന്ന ബ്ലാക്ക്ബോര്ഡ് വന്നുവീണത്.ഉടനെ തന്നെ ഞാറക്കല് ഗവ .ഹോസ്പിറ്റലില് കൊണ്ടുപോയി മുറിവ് തുന്നിക്കേണ്ടിവന്നത് മറക്കാനാവുകയില്ല.
പഠനത്തില് നല്ല പ്രാവീണ്യം കാണിക്കണമെന്ന് എന്റെ അച്ഛന് വളരെ നിര്ബന്ധമായിരുന്നു.അതുകൊണ്ട് ഒന്നുമുതല് പത്തുവരെ ക്ലാസ്സുകളില് ഒന്നാമനാകാന് സാധിച്ചു.കായികാഭ്യാസത്തില് എനിക്ക് വലിയ കഴിവുകളൊന്നും ഉണ്ടായിരുന്നില്ല എന്ന് പറഞ്ഞു കൊള്ളട്ടെ.
എല്ലാക്കൊല്ലവും സ്കൂള് വാര്ഷികം [Anniversary Celebrations] ഞങ്ങള് കുട്ടികള്ക്കെല്ലാവര്ക്കും ഒരു ഹരമായിരുന്നു.മിക്ക മത്സരങ്ങളിലും പ്രസംഗം,പദ്യംചൊല്ലല് , അക്ഷരശ്ലോകം,ഉപന്യാസം മുതലായ പല മത്സരങ്ങളിലും ഒന്നാം സമ്മാനം അല്ലെങ്കില് രണ്ടാം സമ്മാനം ഞാന് കരസ്ഥമാക്കാറുണ്ടായിരുന്നു.
കെമിസ്ട്രി ക്ലാസ്സില് ആന്റണി മാസ്റ്റെര് മേശപ്പുറത്ത് ചിലപ്പോള് ലബോറട്ടറി പരീക്ഷണങ്ങള് ചെയ്തു കാണിച്ചിരുന്നത് അത്ഭുതത്തോടെ നോക്കിക്കൊണ്ടിരിക്കുന്നത് ഓര്മ്മയുണ്ട്.കണക്ക് മാസ്റ്റര് ഗോവിന്ദന്കുട്ടി മേനോനെ എല്ലാവര്ക്കും പേടി ആയിരുന്നു.
ഞങ്ങളുടെ സ്കൌട്ട് മാസ്റ്റര് ശ്രീ.ജോസഫ് ജോണ് ആയിരുന്നു.ഒരു കൊല്ലം ഞങ്ങളെ എല്ലാവരേയും കൊണ്ട് ഏലൂര് ക്യാമ്പിനു പോയി.FACT ന്റെ അടുത്തുള്ള ഒരു വിദ്യാലയത്തില് രണ്ടു ദിവസം താമസിച്ചു എന്നാണോര്മ്മ.നല്ല രസമായിരുന്നു.FACT മുഴുവന് കണ്ടുമടങ്ങി.
അങ്ങനെ പോകുന്നു സ്കൂള് പഠനകാലത്തെ എന്റെ സ്മരണകള് .ചെറുപ്പത്തില് കിട്ടിയ ആ നല്ല അടിസ്ഥാന വിദ്യാഭ്യാസം നല്ലൊരു ഭാവിക്കുള്ള നാന്ദ്യം കുറിച്ചു എന്ന് കൃതജ്ഞതാപൂര്വ്വം ഞാന് അനുമാനിക്കുന്നു.
ഇപ്പോഴത്തെ സ്കൂള് കുട്ടികള്ക്ക് ഒരു സന്ദേശം: "നിങ്ങള് വളരെ ശുഷ്കാന്തിയോടെ പഠിക്കുക.ക്ലാസ്സില് ടീച്ചര്മാര് പഠിപ്പിക്കുമ്പോള് നല്ലപോലെ മനസ്സിരുത്തുക .വിദ്യാഭ്യാസം കൊണ്ട് മാത്രമേ നമുക്ക് വിജയം കൈവരിക്കാന് സാധിക്കുകയുള്ളൂ...."
DR.MP RAVINDRA NATHAN
MD,FACC,FACP,FRCP
[LOND&CANADA],FAHA
EMIRITUS EDITOR,AAPI JOURNAL
MD,FACC,FACP,FRCP
[LOND&CANADA],FAHA
EMIRITUS EDITOR,AAPI JOURNAL
OLD STUDENT OF GHSS ELAMKUNNAPPUZHA
[ തികഞ്ഞ ലാളിത്യത്തോടെ കുടുംബസമേതം വിദ്യാലയത്തിലേക്ക് കടന്നുവന്ന ഡോ.എം .പി രവീന്ദ്രനാഥന് പഴയ അനുഭവങ്ങള് വിവരിച്ചപ്പോള് ഈ സ്കൂളില് ഇതു പോലുള്ള എത്ര മാണിക്യക്കല്ലുകള് ഉണ്ടായിട്ടുണ്ടാകും എന്നാണ് ചിന്തിച്ചത്.. . ..,അദ്ദേഹം നല്കിയത് സ്മരണകള് മാത്രം അല്ല;എക്കാലവും വിവരസാങ്കേതിക ലോകത്തേയ്ക്ക് പറന്നുയരാനുള്ള തട്ടകങ്ങള് ആണ്.ചെറിയ കാര്യങ്ങള് പോലും സൂക്ഷ്മമായ് ചെയ്യുന്ന ഇദ്ദേഹം തന്റെ ഓര്മ്മക്കുറിപ്പുകള് ഇമെയില് വഴിയും തപാല് വഴിയും അയച്ചുതന്നു.ഉയര്ച്ചയ്ക്ക് മൂലക്കല്ലായ സ്കൂളിനെ ആത്മാവില് സംവഹിക്കുന്ന ഇദ്ദേഹത്തിന്റെ ഗുരുനാഥന്മാര് എത്ര ഭാഗ്യവാന്മാരാണ്!ഈ മഹാനായ ഭിഷഗ്വരന് ഫ്ലോറിഡയില് സ്ഥിരതാമസമാണിപ്പോള് . എളിമയും സുതാര്യതയും സമ്പത്തായുള്ള ഈ ഇളംകുന്നപ്പറവയ്ക്ക് എല്ലാ ഭാവുകങ്ങളും നേരുന്നു.]
Friday, February 10, 2012
പറന്നകന്ന കുഞ്ഞു കിളി പറഞ്ഞത്
മഴ അനശ്വരമാണ് .ലോകം നിയന്ത്രിക്കുന്ന ജലത്തിന്റെ ഒരു കണ്ണി .ദുഖവും സന്തോഷവും പങ്കിടാന് മനുഷ്യന് സാധിക്കുന്ന വലിയ കൂട്ടുകാരനാണ് മഴ .ദിവ്യമായ അനുഭൂതിയും സ്നേഹത്തിന്റെ ആത്മാര്ഥതയും പുലര്ത്തുന്ന തോഴനായ മഴ.എന്റെ കൈത്തണ്ടയില് വീണ മഴത്തുള്ളികള് എന്റെ ഹൃദയത്തില് ഉണര്ത്തിയ അലകള് ! ഒപ്പം ആരോ ഉണ്ടെന്ന ഓര്മ്മപ്പെടുത്തലാണ്.
മഴത്തുള്ളികള് ക്ലാസ്സ് മാഗസിന്
 |
| ബിജീഷ് പി.ബി XC |
Thursday, February 9, 2012
അനുഭവം
 |
| സ്റ്റാഫ് റൂം |
ലിജയുടെ തമാശയും
ധനലക്ഷ്മി തന് ചോദ്യങ്ങളും
സാവിത്രിയുടെ മറുപടിയും
സംഗീതയുടെ മൌനവും
ഷീലയുടെ ചിരിയും
ആഗ്നസിന്റെ വിവേകവും
ധന്യയുടെ കണ് മിഴിക്കലും
ലിസിയുടെ ശ്രദ്ധയും
രജിതയുടെ ആവലാതിയും
നീലിമയുടെ അമ്പരപ്പും
സ്റ്റാഫ്റൂമിലുച്ചയെ ഉണര്ത്തി
ഇനി എത്ര നാള് ഈ ഇണക്കം ?
ഇനി എത്ര നാള് ഈ പിണക്കം ?
ചിന്തിച്ചു ചിന്തിച്ച് ചിരിക്കുള്ളില്
ഞാനെന് ചിന്തയൊളിപ്പിച്ചു
Friday, January 27, 2012
Thursday, January 26, 2012
ഞാന് പറയാത്തത്
ഞാന് നൊമ്പരങ്ങളില് ആശ്വസിപ്പിച്ചവന് തന്നെ
ഞാന് കണ്ണീര് തുടച്ചവന് തന്നെ
ഞാന് ധൈര്യം നല്കിയവന് തന്നെ
ഞാന് പ്രാര്ഥനകളില് ഓര്ത്തവന് തന്നെ
എന്നോട് കരഞ്ഞു തന് ദുഖങ്ങള് പറഞ്ഞവന് തന്നെ
സോദരീ പ്രാര്ഥിക്കു എന്നോതിയവന് തന്നെ
രിപുവായവതരിച്ചത് എന്തിനെന്നറിഞ്ഞു ഞാന്
അറിഞ്ഞതില് പാതിയെ പറഞ്ഞുള്ളൂഞാന്
എന്തിനെന്നീശ്വരാ അറിയാം നിനക്ക് ...
എന് സുഹൃത്തായ് നീയുണ്ടെന്നരികില്..
മുപ്പതു വെള്ളിക്കാശിനുവേണ്ടി തൂക്കിലേറ്റിയിട്ടും
ക്ഷമിച്ച നീയെന് ഗുരു ...നയിക്കയെന്നെ നീ
Wednesday, January 11, 2012
ജീവിതം ഒരു തീ നാളം ആണ്.ഇരുട്ടില് പ്രഭ ചൊരിയുക എന്നതാണ് അതിന്റെ ദൌത്യം .കൊടുംകാറ്റിലും കെട്ട്പോകാതെ പ്രകാശം വിതറുന്ന നാളം ആകുവാന് നമുക്കും സാധിക്കും.എന്നാലെ ജീവിതത്തിനു ഒരു അര്ഥം വരൂ.....പ്രവര്ത്തി തന്നെ ആണ് ഈശ്വരാരാധന ...അത് കൊണ്ട് മനസാക്ഷിയുടെ എണ്ണയില് നന്മയുടെ എരിയുന്ന ദീപനാളം കത്തിച്ച് ഭൂമിയിലെ മാലാഖമാരായി ജീവിക്കാം
Thursday, December 8, 2011
Sunday, October 23, 2011
വാടാമലര്
 |
വാടാമലര് |
Subscribe to:
Posts (Atom)